တစ်ခါတုန်းက ရွာတစ်ရွာမှာတောရဘုန်းကြီးကျောင်းတစ်ကျောင်းရှိတယ်။
အဲဒီတောရကျောင်းမှာမကြာခဏဆိုသလို တရားစခမ်းတွေ ဖွင့်လေ့ရှိတယ်။
အဲဒီမှာ တရားစခမ်းဝင်သူတွေက“ဒုက္ခ…ဒုက္ခ..ဒုက္ခ” လို့ ပါးစပ်က ရွတ်ကြတယ်။
အဲဒီကျောင်းဝင်းထဲမှာရှိတဲ့သစ်ပင်တစ်ပင်မှာ မျောက်တွေထဲက မျောက်တစ်ကောင်က
“ဒုက္ခ” ဆိုတာကိုမကြာခဏကြားနေရတော့ “ဒုက္ခဆိုတာ ဘာလဲ”လို့သိချင်တယ်။
ဒါနဲ့ပဲ သစ်ပင်အောက်ကွပ်ပစ်မှာ ကပ္ပိယကြီး လာထိုင်ချိန်မှာ
မျောက်ကမေးတယ်။
“ဒုက္ခဆိုတာဘာလဲ” ပေါ့။
ကပ္ပိယကြီးကတော့ "မသိချင် စမ်းပါနဲ့"လို့ပြောလိုက်တယ်။
ဒါပေမယ့် မျောက်ကအလျော့မပေးပါဘူး။ ခဏခဏမေးပါတယ်။
ခဏခဏ မေးဖန်များတော့မျောက်ကိုပြောတယ်။
"မင်း ငါ ပြောတဲ့အတိုင်းလုပ်မလား"ပေါ့လေ။
မျောက်က "လုပ်မယ်"လို့ကတိပေးတယ်။
"ဒါဆိုရင် ဒုက္ခကို ငါပြမယ်"လို့ပြောလိုက်တယ်။
တစ်နေ့တော့ မျောက်ကိုကြိုးနဲ့ချီထားတဲ့
ပြီးတော့ ကပ္ပိယကြီးပြောတာက
“ ဒီအထုပ်ကို သစ်ပင်နဲ့ဝေးတဲ့ကွင်းပြင်ရောက်တော့မှ ကြိုးကို ဖြေလိုက်ပါ၊
အဲဒါဆိုရင် မင်းသိချင်တဲ့ဒုက္ခကိုတွေ့လ်ိမ့်မယ်”လို့ပြောလိုက်တယ်။
မျောက်ကလည်း သူသိချင်တဲ့ဒုက္ခကိုသိရတော့မှာမို့ ပျော်နေတာပေါ့။
ကပ္ပိယကြီးပြောတဲ့အတိုင်းသစ်ပင်နဲ့ဝေးရာ ကွင်းပြင်ကို အထုပ်ကို ထမ်းလာတယ်။
ပြီးတော့ အထုပ်ကိုဖြေလိုက်တော့ထွက်လာတာက ခွေးကြီးတစ်ကောင်ဖြစ်နေတယ်။
ခွေးကလည်း သူ့ကိုအထုပ်ထဲကြိုးချီပြီးထည့်ထားတော့ ဒေါသကထွက်နေတယ်။
အထုပ်ဖြေလိုက်တော့မျောက်ကိုတွေ့တော့ ဒေါသထွက်ထွက်နဲ့မျောက်ကို ခုန်ကိုက်တာပေါ့။
မျောက်ကလည်း ရှောင်တာမြန်ပေလို့ပေါ့။
ပြီးတော့ ခွေးမှန်းသိတော့ထွက်ပြေးတာပေါ့။
ခွေးကလည်း နောက်ကဟောင်ပြီးလိုက်တယ်။
ကွင်းပြင်ဆိုတော့သစ်ပင်ကမရှိဘူး။
မျောက်က အားကုန်ပြေးရတာပေါ့။
ခွေးကလည်း မှီလုမှီခင်လိုက်တယ်။
မျောက်နဲ့ခွေးရှေ့နောက် ပြေးနေတာ အကြာကြီးပါပဲ။
နောက်ဆုံးတော့မျောက်က အနီးဆုံးသစ်ပင်တစ်ပင်ကို ရောက်တော့ သစ်ပင်ပေါ်ခုန်တက်လိုက်တယ်။
မျောက်က သစ်ပင်ပေါ်ရောက်တော့မောလွန်းလို့ လျှာကိုထွက်နေတယ်။
အသက်ကို မနဲရှုရတယ်။
အမောပြေလောက်မှမျောက်ပြောလိုက်တာက
“အော်….ဒုက္ခ ဆိုတာဒါပါလား”တဲ့။
+++++++++++++++++++++++++++
ကျနော်တို့ ငယ်ငယ်တုန်းကအမေပြောခဲ့ဖူးတဲ့ပုံပြင်ပါ။
အထက်ကြီးစိတ် တစ်ခွဲသားနဲ့အမေရိကန်ကိုရောက်လာတယ်။
ကိုယ်အထင်ကြီးသလိုလည်းမဟုတ်မှန်းသိတော့ ခရီးကတော်တော်လွန်နေပြီ။
ကွင်းပြင်အလယ်လောက်ရောက်နေတဲ့မျောက်လိုဖြစ်နေတယ်။
ပြေးဖို့ကလွဲလို့ရွေးစရာ လမ်းမရှိဘူး။
ဒုက္ခကို သိချိန်မှာလျှာက တစ်လံလောက်ထွက်နေပြီ။
နောက်ဆုံးတော့"သိချင်အုန်းဟဲ့ ဒုက္ခ"လို့သာ ကိုယ့်ကိုယ်ကိုယ် အပြစ်တင်မိပါတယ်။
သစ်ပင်ပေါ်ရောက်ရင်တော့အမောပြေချိန်မှာ ကိုယ့်ကိုယ်ကိုယ် ရီမိမလားတော့ မသိဘူး။
ခုတော့ မရီနိုင်သေးဘူး။
ပြေးနေရတုန်း...။
No comments:
Post a Comment