page

သင်နှစ်သက်ရာ အရောင် ဖြင့်ရွေးချယ်ကြည့်ရူနိုင်ပါသည်

Saturday, April 28, 2012

နွေရာသီတွင် ဆင်ခြင်သင့်သည်များ

ZOLZOL | 3:55 PM |
ZOLZOL | 3:55 PM |




Best Blogger Tips
Share
by Health Articles on Friday, April 27, 2012 at 8:54am ·
 

၁။ ရေခဲရေသောက်တဲ့အခါ

နွေရာသီမှာ ပူပြင်းတာ မှန်ပေမယ့် ရေခဲရေ အေးအေးသောက်တာ သင့်ခန္ဓာကိုယ်နဲ့ ပတ်ဝန်းကျင်ရဲ့ အပူချိန်တွေကြားမှာ အပူအအေး မမျှတမှု ဖြစ်စေတာကြောင့် မသောက်သင့်ပါဘူး။ သင်က ရေခဲရေ သောက်လေ့၊ သောက်ထရှိသူ တစ်ယောက်ဖြစ်နေရင် နေပူထဲကနေ ပြန်ရောက်လာချင်းတော့ ရေခဲရေကို ချက်ချင်း မသောက်ပါနဲ့။ ခဏလောက်နားပါ။ ပြီးမှ ရေခဲရေ သောက်ပါ။ ဖြစ်နိုင်ရင်တော့ ရိုးရိုးရေ သောက်တာ အကောင်းဆုံးပါ။


၂။ ကိုယ်ပူကြီးတဲ့အခါ

နွေရာသီမှာ ဖျားနာလာတဲ့အခါ အဝတ်အစား ထူထူဝတ်၊ စောင်အထပ်ထပ်ခြုံပြီး ချွေးထုတ်တာမျိုးတွေ မလုပ်ပါနဲ့။ ရောဂါ ပိုဆိုးသွားနိုင်ပါတယ်။ ဖျားနာပြီး ကိုယ်ပူကြီးနေခဲ့ရင် ခန္ဓာကိုယ်ကို အေးအောင်လုပ်ပေးပါ။ ရေဖတ်ဝတ် ကပ်ပေးတာ၊ ရေခဲကပ်ပေးတာမျိုး ပြုလုပ်ပေးပါ။ လိုအပ်ပါက တစ်ကိုယ်လုံး အေးသွားအောင် ရေချိုးချပေးပါ။

၃။ လေ့ကျင့်ခန်းလုပ်တဲ့အခါ

လေ့ကျင့်ခန်း လုပ်တာက ကျန်းမာရေးအတွက် သင့်တော်ပြီး လုပ်သင့်လုပ်ထိုက်တဲ့ အရာပါ။ ဒါပေမဲ့ နွေရာသီမှာတော့ ပြင်းပြင်းထန်ထန် လေ့ကျင့်ခန်း လုပ်တာမျိုးကို ရှောင်ပါ။ ချွေးထွက်များပြီး ကုန်ခန်းသွားတဲ့ ဓာတ်ဆားနဲ့ ရေဓာတ်ကို ပြန်မဖြည့်ပေးနိုင်ရင် အသက်အန္တရာယ်အထိ ဒုက္ခပေးနိုင်ပါတယ်။ ရေများများသောက်ပေးပါ။ နွေရာသီရဲ့ အပူဒဏ်ကြောင့် ဆုံးရှုံးသွားတဲ့ ရေဓာတ်ကို ပြန်ဖြည့်ပေးနိုင်စေဖို့ ရေများများ သောက်သုံးပေးတာက အသင့်တော်ဆုံးပါ။

၎။ နေပူထဲသွားတဲ့အခါ

နွေရာသီရဲ့ ပူပြင်းတဲ့ နေရောင်ခြည်အောက်မှာ ထီး၊ ဦးထုပ် မပါဘဲ လျှောက်သွားနေလို့ သင့်တော်ပါ့မလား။ ထီးနဲ့ဖိနပ် မပါရင် နွေရာသီက သင့်အတွက် အကျည်းတန်နေမှာပါ။ နွေရာသီရဲ့ ပူပြင်းတဲ့ နေရောင်အောက်မှာ သင့်အသားအရေကို နွေအပူဒဏ်ကနေ ကြံ့ကြံ့ခံ ကာကွယ်ပေးဖို့ သင်အပြင်သွားတိုင်း ထီးယူသွားဖို့နဲ့ နေရောင်အောက် ရောက်တဲ့အခါ ထီး၊ ဦးထုပ်ဆောင်းဖို့ မမေ့ပါနဲ့။ နေရောင်ခြည်ကြောင့် မျက်ဝန်းတစ်ဝိုက်မှာ အရေးကြောင်း ဖြစ်တာကို ကာကွယ်ဖို့ နေပူထဲသွားတဲ့အခါ နေရောင်ခြည်ကို အမှန်တကယ် ကာကွယ်ပေးနိုင်တဲ့ နေကာမျက်မှန်တပ်ပါ။

၅။ ဝမ်းနုတ်ဆေးသောက်တဲ့အခါ

ဝမ်းနုတ်ဆေးသောက်တာတွေက ဓာတ်ဆားနဲ့ ရေဓာတ်ကို ခန်းခြောက်သွားစေပါတယ်။ နွေရာသီလို ပူပြင်းချိန်မှာ ဝမ်းနုတ်ဆေး မစားသင့်ပါဘူး။ လိုအပ်ပါက ဆရာဝန်နဲ့ ပြသတိုင်ပင်ပြီး ဆရာဝန်ရဲ့ ညွှန်ကြားချက်အတိုင်း လိုက်နာဆောင်ရွက်ပါ။

၆။ အသီးအနှံစားတဲ့အခါ

နွေရာသီမှာ အပူရှိန်ပြင်းတာကြောင့် အသီးတွေ မှည့်လွယ်ပါတယ်။ အဲဒါကြောင့် သင့်အိမ်မှာ ဝယ်ထားတဲ့ အသီးတွေ အမှည့်လွန်သွားခဲ့ရင် လွှင့်ပစ်ရမှာ နှမြောပြီး မစားပါနဲ့။ အထူးသဖြင့် လမ်းမှာ သင်ဝယ်စားတဲ့ အသီးတွေကလည်း အမှည့်လွန်နေနိုင်ပါတယ်။ အမှည့်လွန် အသီးတွေက ပိုချိုတာကြောင့် ယင်ကောင်တွေ နားနိုင်ပါတယ်။ ယင်ကောင်ရဲ့ ခြေထောက်မှာ ရောဂါပိုးတွေ သယ်ဆောင်ထားတာကြောင့် သင့်ဆီ ရောဂါပိုးတွေ ကူးစက်နိုင်ဖို့ အခွင့်အလမ်း များပါတယ်။

၇။ အစားအသောက်တွေ စားတဲ့အခါ

ရောဂါပိုးတွေထဲက အသည်းရောင်အသားဝါ အေပိုးတွေကို အစားအသောက်တွေကနေ တစ်ဆင့် ကူးစက်နိုင်ပါတယ်။ အသည်းရောင် အသားဝါ အေပိုးရှိသူရဲ့ မစင်ကနေ တစ်ဆင့် တခြားသူတွေကို ကူးစက်နိုင်ပါတယ်။ အသည်းရောင် အသားဝါ အီးပိုးကတော့ ရေကနေ တစ်ဆင့် ကူးတာများပါတယ်။ အေပိုးက သာမန်လူကောင်းတွေမှာ ရောဂါဆိုးဆိုးရွားရွား မဖြစ်ပေမယ့် ကိုယ်ဝန်ဆောင် မိခင်တွေမှာတော့ အသက်အန္တရာယ် ဖြစ်စေနိုင်ပါတယ်။ နွေရာသီမှာ ကူးစက်မှုအများဆုံး ရောဂါပိုးကတော့ Escherichiacoli (E-coli) ဖြစ်ပြီး ဝမ်းရောဂါကို ဖြစ်စေပါတယ်။ တခြားဝမ်းရောဂါ ဖြစ်စေတဲ့ပိုးတွေထဲက Rota-viruses က ကလေးရော၊ လူကြီးမှာပါ အဖြစ်များတဲ့ ဗိုင်းရပ်စ်တစ်မျိုးပါ။

၈။ အဝတ်အစား ဝတ်ဆင်တဲ့အခါ

ချည်ထည် ပွပွချောင်ချောင် အင်္ကျီတွေက လေဝင်လေထွက် ကောင်းတာကြောင့် ခန္ဓာကိုယ်ကို အေးမြနေစေပြီး ချွေးထွက် နည်းစေပါတယ်။ အထူးသဖြင့် လေ့ကျင့်ခန်း လုပ်တဲ့အခါ ချွေးစုပ်ယူနိုင်တဲ့ အဝတ်အစားမျိုးကို ဝတ်ဆင်ဖို့လိုပါတယ်။ အဝတ်အစားကို နှစ်ထပ်၊ သုံးထပ်ဝတ်ဆင်တာမျိုးက နွေရာသီမှာ ဖက်ရှင်ကျတဲ့ ဝတ်ဆင်မှုမျိုး မဖြစ်စေဘဲ ပူအိုက်ကာ စိတ်ရှုပ်ထွေးမှု ဖြစ်စေပါတယ်။ ဒါ့အပြင် ချွေးထွက်တာကို ပိုအားပေးတာကြောင့် အထပ်ထပ် ဝတ်ဆင်တာမျိုးကို ရှောင်ပါ။

၉။ ဖိစီးမှုများတဲ့အခါ

ပူအိုက်လွန်းတာကြောင့် ချွေးထွက်များပြီး စိတ်ဖိစီးမှုကို ဖြစ်စေပါတယ်။ စိတ်ဖိစီးမှု များတာကြောင့်လည်း ချွေးထွက်များတာကို ဖြစ်စေပါတယ်။ ဖိစီးမှုနဲ့ ချွေးထွက်များတာက အပြန်အလှန် သက်ရောက်မှု ရှိနေပါတယ်။ စိတ်ဖိစီးမှုများတဲ့အခါ ခန္ဓာကိုယ်ကို အနားရစေမယ့် ယောဂကျင့်တာ၊ တရားအားထုတ်တာနဲ့ အသက်ရှူ လေ့ကျင့်ခန်း လုပ်ပေးပါ။ ဒီနည်းတွေက ချွေးထွက်များတာကို ကုစားနိုင်ပါတယ်။

ဇာခြည်ဝင်း (ဆေးဝါးတက္ကသိုလ်)
By Good Health Originally posted 26/04/2012 13:55PM
Shared from http://news.yatanarpon.com.mm/cp/goodhealth/article-56534
Share

No comments: