page

သင်နှစ်သက်ရာ အရောင် ဖြင့်ရွေးချယ်ကြည့်ရူနိုင်ပါသည်

Friday, September 13, 2013

တန်ဖိုး

candle lay | 2:53 PM |
candle lay | 2:53 PM |




Best Blogger Tips
Share
 
လောကကြီးမှာ အသိပညာ အတတ်ပညာဟာ အရာအားလုံးကို ဖြေရှင်းပေးနိုင်သလို 
ဘ၀ရဲ့ အောင်မြင် ခြင်းသော့ ချက်လည်းဖြစ်တယ် ။ ဒါကြောင့် ကျွန်တော်တို့အားလုံး
လည်း အသိပညာတစ်ခုခုကို စူးစိုက်လေ့ လာသင်ကြားကြဖို့လိုတယ် ။ ဘယ်နေရာလေး
(Key point ) ကို အားစိုက်ပြုပြင်ရမလဲဆိုတာ သိခြင်း ဟာ လော က မှာ အရေးကြီးဆုံး 
အရာတစ်ခုပါပဲ ။
 
အသိပညာ အတတ်ပညာ၏ တန်ဖိုးသည် ဘယ်လောက်တောင်အရေးပါအရာရောက်သလဲ
ဆိုတာ အောက်ပါ ဥပမာ ပုံပြင် သာဓက လေးတွေနဲ့ ချိန်ထိုးလေ့လာကြည့်ရအောင် ။



တစ်ခါတုန်းက ကမ္ဘာကျော်ပန်းချီဆရာကြီး ပီကာဆို ဟာ ပြင်သစ်နိုင်ငံ ပဲရစ်မြို့ရဲ့
လမ်းမကြီးဘေးနားက ကဖီးဆိုင်တစ်ခုမှာ ပန်းချီဆွဲဖို့ပြင်ဆင်နေခဲ့ပါတယ် ။ အဲဒီအချိန်
မှာ သူဟာ ပုံတစ်ပုံဆွဲဖို့ ပုံကြမ်းရေးခြစ်နေတဲ့အချိန်ဖြစ်ပါတယ် ။ ကဖီးဆိုင်ကို လာတဲ့ 
အမျိုးသမီးတစ်ယောက်က ပီကာဆိုကို တွေ့သွားတယ် ။

အမျိုးသမီးရဲ့စိတ်ထဲမှာ လမ်းဘေးက ပုံတူဆွဲတဲ့ပန်းချီဆရာတစ်ယောက်လို့ပဲ ထင်ဟန်
တူပါတယ် ။ ဒါကြောင့် သူ့ဖို့ပုံတူဆွဲပေးဖို့ ပြောပါတယ် ။ ပီကာဆိုကလည်း သဘောတူခဲ့တယ် ။

မိနစ်ပိုင်းအတွင်းမှာပဲ အမျိုးသမီးရဲ့ပုံတူကို ပန်းချီဆွဲလို့ပြီးသွားခဲ့တယ် ။ သဘောကျသွားတဲ့
အတွက် အမျိုးသမီးက ပီကာဆိုကိုမေးတယ် ။ “ ပန်းချီဆရာရှင့် ဘယ်လောက်ကျပါသလဲ ” 
ဒီတော့ ပီကာဆိုက လေအေးအေးလေးနဲ့ပြောလိုက်တယ် ။ “ ငါးထောင်ကျပါတယ် ”

အမျိုးသမီးက အံ့သြသွားတဲ့အရိပ်အယောင်နဲ့ မိနစ်ပိုင်းလေးအချိန်ပေးရတာကိုငွေ
ငါးထောင်တောင်ယူတဲ့အတွက်မကျေမနပ်ဖြစ်သွားတယ် ။ ဒီတော့ အမျိုးသမီးက 
ပီကာဆိုကိုပြောပါတယ် ။

“ သုံးမိနစ်လောက်လေးအချိန်ပေးရတာနဲ့ငွေငါးထောင်တောင်ယူရသလားး ”

ပီကာဆိုက အမျိုးသမီးကို တည်ငြိမ်စွာနဲ့ပြောလိုက်တယ် ။

“ သုံးမိနစ်မဟုတ်ပါဘူး တစ်ဘ၀လုံးအချိန်ပေးခဲ့ရတာပါ ” တဲ့ ။

========================================
 
 
 ဒီဇိုင်နာ - လူကြီးမင်း ကုမ္မဏီအတွက် လိုဂို အသစ်ပါ။

သူဌေး - ဈေးက များလှချည်လား။ ၁၀ မိနစ်ပဲ လုပ်ရတာကို။

ဒီဇိုင်နာ - ကျနော် နားလည်ပါတယ်။ သို့ပေမယ့် ၁၀ မိနစ်နဲ့အပြီးလုပ်ဖို့အတွက် ၁၀ နှစ်မက
လေ့လာ ထားခဲ့ရတာပါ။
 
========================================
 
တခါတုန်းက အလွန်ကြီးမားတဲ့ သဘောင်္ကြီးတစ်စင်းရဲ့ အင်ဂျင်ဟာ ပျက်သွားတယ် ။
 သဘောင်္ပိုင်ရှင်ဟာ စက်ပြင်သမားတွေ တစ်ယောက်ပြီးတစ်ယောက် ပြောင်းပြီးပြပေမယ့် 
ဘယ်သူကမှ အင်ဂျင်ပြန်ကောင်းအောင် ဘယ်လိုလုပ်ရမလဲဆိုတာ အဖြေ ရှာမတွေ့ခဲ့ကြဘူး ။
 တစ်နေ့မှာ စက်ပြင်သမားတွေက သင်္ဘောအင် ဂျင်နဲ့ပတ်သတ်လို့ ငယ်ငယ်ကတည်းကတတ်
ကျွမ်းခဲ့တဲ့ အဖိုးအိုတစ်ဦးကိုခေါ်လာတယ် ။ အဖိုးအိုက အိတ်ကြီး တစ်လုံးကိုလွယ်ထားတယ် ။
 ရောက်ရောက်ခြင်းပဲ သူဟာ အင်ဂျင်ဆီကိုသွားပြီးအလုပ်လုပ်ဖို့ စတင်ပါတယ် ။ အဖိုးအိုဟာ 
အင်ဂျင်ကို ဂရုတစိုက်နဲ့ သေချာကြည့်တယ် အပေါ် ကနေ အောက်ခြေ အထိ သေသေ ချာချာ
စစ်ဆေးတယ် ။

အဲဒီနေရာမှာ သင်္ဘောပိုင်ရှင်ကလည်း ကြည့်နေတယ် ။ အဖိုးအို ဘာလုပ်မလဲဆိုတဲ့ မျှော်လင့်ချက်
နဲ့ပေါ့ ။ အကုန်လုံးကြည့်ပြီးတဲ့အခါ အဖိုးအိုဟာ အိတ်ထဲကို လက်နှိုက်လိုက်ပြီး တူသေးသေးလေး 
တစ်ချောင်း ကိုထုတ်လိုက်တယ် ။ ပြီးတော့ တစ်နေရာကို ညှင်သာစွာ ခေါက်လိုက်တယ် ။ ရုတ်တရက်
ပဲ အင်ဂျင်က စက်နှိုးသွားပါတယ် ။ အဖိုးအိုဟာ သူ့ တူလေးကို ဂရုတစိုက်အိတ်ထဲထည့်ပြီး ထွက်ခွာ
သွားတယ် ။ ခဏလေးပါပဲ --- အင်ဂျင်ပြင်တာပြီးသွားပါပြီ ။

တစ်ပတ်ကြာပြီးနောက်မှာ သဘောင်္ပိုင်ရှင်ဟာ အဖိုးအိုဆီက ငွေတောင်းခံလွှာကို လက်ခံရရှိခဲ့တယ် ။
 ဒေါ်လာ ၁၀၀၀၀ ဖြစ်ပါသတဲ့ ။

“ ဘာ ” သဘောင်္ပိုင်ရှင် ထိတ်လန့်သွားတယ် ။ “ သူက ဘာများ ခက်ခဲစွာ လုပ်ရလို့လဲ ”

ဒီလိုနဲ့ သဘောင်္ပိုင်ရှင်က အဖိုးအိုကို ပစ္စည်းတန်ဖိုးနဲ့တကွ ကုန်ကျစရိတ်ကိုတောင်းခံလွှာပို့လိုက်တယ် ။ 
အဖိုးအို က စာပြန်ပို့လိုက်တယ် ။

“ တူ နှင့် ထု ခ --- ၂ ဒေါ်လာ

မည်သည့်နေရာကို ထု ရမလဲ သိသည့် အသိပညာခ - ၉၉၉၈ ဒေါ်လာ ”
  
သင်ခန်းစာ - 
လူတစ်ဦး၏ ပညာကို ကွက်ကြည့်၍ တန်ဖိုးမဖြတ်ပါနှင့်။ 
တတ်သိရန် ဖြတ်သန်းလာသော ဘဝခရီးပါ ထည့်တွက်ရန် လိုသည်။
တန်ဖိုးဆိုတာ ပေးဆပ်ခဲ့ရတဲ့အချိန်ကာလနဲ့ထပ်တူညီပါတယ် ။
အောင်မြင်မှုတစ်ခုရဖို့ အတတ်ပညာတစ်ခု ကျွမ်းကျင်ဖို့အတွက်အချိန်
အများကြီးပေးဆပ်ခဲ့ရသလိုဖြစ်ပေါ်လာတဲ့တန်ဖိုးကလည်း လတ်တလော
ပေးလိုက်ရတဲ့အချိန်ပေါ်မူတည်ပြီးတွက်ချက်လို့မရပါဘူး ။

ပေးဆပ်ခဲ့ရတဲ့အချိန်ကာလ အရင်းအနှီးကြီးလေ တန်ဖိုးတက်လေလေပါပဲ ။
 
ဘဝ၏ တန်ဖိုး အကြီးမားဆုံးသော အရာမှာ အချိန်ဖြစ်သည်။ အချိန်များကို 
စုစည်းလိုက်သော အခါ ကာလဟူ၍ ဖြစ်လာသည်။ ကာလကို အတိတ်၊ ပစ္စုပ္ပန်၊ 
အနာဂတ်ဟူ၍ ကာလ(၃)မျိုး ထပ်မံပိုင်းခြား နိုင်သည်။ လူတိုင်း၊ အဖွဲ့အစည်းတိုင်း၊ 
နိုင်ငံတိုင်းသည် ဤကာလ(၃) မျိုးကို ပိုင်ဆိုင်ကြသည်။ ဤသို့ ပိုင်ဆိုင်ကြသော် လည်း
တိုးတက်အောင်မြင် နေပုံခြင်း မတူညီကြပေ။ တချို့က အရှိန်အဟုန်ဖြင့် တိုးတက်
အောင်မြင်ကြသည်။ တချို့က သာမန်မျှသာ တိုးတက် အောင်မြင် ကြသည်။ တချို့
ကမူ တိုးတက်အောင်မြင်မှု မရရှိဘဲ ဆုတ်ယုတ်၍နေသည်။ အဘယ်ကြောင့် ပါနည်း။ 
အကြောင်း နှစ်ချက်ကြောင့် ဖြစ်သည်။ ပထမ အချက်မှာ မိမိတို့ပိုင်ဆိုင် ထားသော 
ကာလ(၃)မျိုး အပေါ် ထားရှိသည့် သဘောထားနှင့် အမြင် မတူညီမှု။ ဒုတိယ အချက်
မှာ ယင်းကာလ(၃)မျိုးကို အသုံးပြုပုံ ပြုနည်း ကွဲပြားခြားနားမှု တို့ကြောင့်ဖြစ်ပါသည်။
ဒါကြောင့် သူငယ်ချင်းတို့ အနေဖြင့် လည်း အချိန်၏ တန်ဖိုးကို သိကာ ရသမျှအချိန်လေး
အတွင်းမှာ အသိပညာ ၊အတတ်ပညာ တွေကို စူးစိုက်လေ့လာသင်ကြားကြဖို့လိုပါတယ် ။ 
ဒါမှလည်း အသိပညာ ၊အတတ်ပညာ၏ တန်ဖိုးကို သိနားလည်ကြမည်ဟု ယုံကြည်မိပါတယ် ။
 
ပုံပြင်သာဓကလေးတွေ က ကိုသက်တန့်ချို  ဘလော့ကပါ ။
 
 
Share

No comments: